Ավագ երկուշաբթի.Ջրաղացպանի օր

Այսօր մեկնարկեց հեռավար-առցանց ուսուցման հինգերորդ շաբաթը: Այս շաբաթն ավելի հագեցած և գունավոր է. տոնելու ենք Զատկի ծեսը: Զատկի ծեսի ավագ երկուշաբթին Ջրաղացպանի և «Խնոցի- հարոց» խաղի օրն է: Խնոցին դա կարագը թանից զատելու անոթ է: Խնոցի- հարոցին խաղում են ձեռքերով կամ ոտքերով` ետ ու առաջ տանելով: Այսօր Լիլին և ես միասին խաղացինք խնոցի-հարոցի, իսկ վերջում էլ Լիլին` սեբաստացի աղջիկս, ալյուր մաղեց: Նա այդ ամենը անում էր շատ մեծ ուրախությամբ և հաճույքով:

Հեռավառ-ընտանեկան կրթություն

Ողջույն սիրելի բարեկամ: Ես Սոնան եմ Սարգսյան: Լինելով Արևմտյան դպրոց-պարտեզի 2-5 տարեկանների խմբի ծնող և աշխատելով՝ Քոլեջ-պարտեզում՝ որպես կամավոր, ուզում եմ խոսել հեռավար-առցանց ուսուցման մասին՝ իր թերություններով և առավելություններով հանդերձ: Նախ նշեմ, որ «Մխիթար Սեբաստացի » կրթահամալիրում հեռավար- առցանց ուսուցումը նորարարություն չէ:

«Մխիթար Սեբաստացի»կրթահամալիրում ուսումնական գործընաթացը կազմակերպվում է նախագծային մեթոդով: Նախագծերը կազմվում են ըստ կրթահամալիրի օրացույցի:

Չնայած նրան, որ դրսում գարուն է, գարնանային տաք և արևոտ օրեր, երբեմն էլ անձրևոտ, սակայն հնարավոր չեղավ խուսափել վիրուսներից: Այդ իսկ պատճառով ԿԳՍՄ նախարարի հրամանով գարնանային արձակուրդները տեղափոխվեցին մարտի 2-ից 8-ը, սակայն «Մխիթար Սեբաստացի » կրթահամալիրը միակն էր, որն անցավ- հեռավար առցանց ուսուցման: Նշեմ, որ որպես ծնող սկզբում այնքան էլ լուրջ չէի վերաբերվում ուսուցման այս ձևին, սակայն 1-2 անգամ Լիլիի հետ աշխատելով այս ձևաչափով հասկացա, որ այն ոչ միայն երեխային, այլև ինձ տալիս է բավական տեղեկատվություն, ինչու ոչ նաև հմտություն:

Ուզում եմ առանձնացնել հեռավար-առցանց ուսուցման առավելություններն ու թերություններն;

Սկսենք առավելություններից՝

․ հեռավար ուսուցման փորձ ծնողի և սանի համար

ծնողի և սանի համար ավելի հարմար միջավայր

ժամանակի ազատ տնօրինում

ավելին իմանալու և օրեցօր ինքնակրթվելու

Թերություններն են՝

ինքնամեկուսացումը

Իմ կարծիքը հեռավար-առցանց ուսուցման մասին

Իսկ հիմա մի փոքր խոսեմ որպես դաստիարակ

Անցնելով հեռավար- առցանց ուսուցման մարտի 2-ից 6-ը Հասմիկ Նազարյանի հետ միասին քննարկել և կազմել ենք հեռավար ընտանեկան նախագիծը և այն ուղարկել ծնողներին: Նշեմ, որ բավական ոգևորությամբ և ուրախությամբ կատարում էին օրվա թեման,տեսանկարահանում և ուղարկում մեզ:

Շաբաթվա սկիզբը սկսեցինք նրանով, թե ինչպես կարելի է պաշտպանվել վիրուսներից և ինչ միջոցներ ձեռնարկել դրանց խթանման համար:

Մարտի 9-ից 13-ը անցել ենք մեր բնականոն աշխատանքին: Քանի որ արդեն գարուն է և այն իր հետ բերում է ոչ միայն արև և ծաղկած գեղեցիկ ծառեր, այլև մի տոն, որը կոչվում է «Մայրիկատոն » :

Մայրիկատոնին ընդառաջ քոլեջիկները իրենց նուրբ տոտիկներով պատրաստեցին բացիկներ: Ասեմ, որ յուրաքանչյուր սան անհամբերությամբ էր սպասում իր մայրիկի գալուն:

Թվում էր, թե ամեն բան արդեն ետևում էր, բայց երկրում հայտարարվեց արտակարգ դրություն և ստիպված եղանք աշխատանքը շարունակել առցանց:

Կազմեցինք մարտի 16-ից 20-ը հեռավար- առցանց ուսուցման ընտանեկան նախագիծը:

Արդեն երկրորդ շաբաթն էր, ինչ անցել էինք առցանց ուսուցման և մտահոգություն կար,որ հնարավոր է զբաղվածության պատճառով ժամանակ չունենան մասնակցելու, բայց սպասւմները արդարացրեցին ակնկալիքներս:

Շաբաթը սկսեցինք համեղ պատկերներ նախագծից՝ մրգերից, բանջարեղենից պատրաստած,ամեն մեկն իր պատկերացումով:

Այնուհետև ամեն մեկն ներկայացրեց իր ընտանիքի անդամներին:

Այս ընթացքում կատարում էինք իմ աղջկա՝ սեբաստացի Լիլիի առաջադրանքները: Լիլիի հետ միասին մարզվել ենք, խնամել ծաղիկները:

Մարտի 20-ին սկսեցինք մի նոր նախագիծ՝ դաստիարակի հեռավար-առցանց ֆլեշմոբը, որի ընթացքում ներկայացնում ենք թե ինչպիսինն է դաստիարակի առօրյան:

Մարտի 23-ից 27-ը հեռավար- առցանց ուսուցման շաբաթը ավելի հագեցած էր, քանի որ պատրաստվում էինք Զատկի ծեսին:

Ամեն առավոտ Լիլին՝ սեբաստացի աղջիկս, արթնանալով հարցնում էր այսօր ի ՞նչ ենք պատրաստելու և ինչո ՞վ ենք զբաղվելու:

Շաբաթը սկսել ենք նախավարժանքից, ցույց տվել, թե մայր և աղջիկ ինչպես ենք մարզվում:

Քանի որ արդեն մոտենում էր Զատկի ծեսը, այդ պատճառով մենք ցանեցինք ածիկ:

Մասնակցել ենք նաև մաթեմատիկական ֆլեշմոբին

Մեր լաբորատորիայի ղեկավարը՝ Նելի Արղությանը, մեր օրը ավելի հետաքրքիր դարձնելու համար կազմել էր տարբեր ֆլեշմոբեր:

Մարտի 31-ից ապրիլի 3-ը Զատկական օրեր են: Մի փոքր խոսեմ Զատկի ծեսից:

Զատիկ նշանակում է բաժանում, անցում, հեռացում: Զատիկը Հայ Առաքելական եկեղեցու ամենագեղեցիկ հինգ տաղավար տոներից մեկն է:

Զատիկը շարժական տոն է, այսինքն յուրաքանչյուր տարի նրա նշման օրը փոխվում է: Այս տարի Զատկի տոնը նշվելու է ապրիլի 12-ին:

Զատկի տոնի սեղանի լինում են ներկած ձվեր, եփած ձուկ, չամիչով փլավ և գինի: Յուրաքանչյուր կերակրատեսակ ունի իր խորհուրդը՝

Ներկած ձուն խորհրդանշում է Հիսուսի թափած արյունը մարդկանց մեղքերի համար, չամիչով փլավը՝ հավատացյալներն են, իսկ գինին՝ Հիսուսի արյունը: Զատկի ծեսին ընդառաջ դատարկում են ձվերը:

Ծաղկազարդ (ծառզարդար, ծառկոտրուկ ), գարնանային ամենագունավոր և գեղեցիկ տոներից է: Այն համարվում է եկեղեցական և ժողովրդական տոն: Ծաղկազարդը տոնում են Զատկից մեկ շաբաթ առաջ՝ Մեծ Պահքի նախավերջին կիրակի օրը: Ծաղկազարդը խորհրդանշում է Քրիստոսի մուտքը Երուսաղեմ: Ծաղկազարդի օրը եկեղեցիները զարդարվում են ուռենու ճյուղերով: Այս տարի Ծաղկազարդը տոնելու են ապրիլի 5-ին: Լիլին էլ զարդարեց իր զատկածառը:

Հեռավար- առցանց ուսուցումը մեծ փորձություն էր դաստիարակ-սան-ծնող հարաբերությունների համար: Նշեմ, որ շատ սիրելի և ուսուցողական էր: Առողջ եղե՛ ք:

Ծառզարդար

Ծաղկազարդ (ծառզարդար, ծառկոտրուկ), գարնանային ամենագունավոր և գեղեցիկ տոներից է: Այն համարվում է եկեղեցական և ժողովրդական տոն: Ծաղկազարդը տոնում են Զատկից մեկ շաբաթ առաջ` Մեծ Պահքի նախավերջին կիրակի օրը: Ծաղկազարդը խորհրդանշում է Քրիստոսի մուտքը Երուսաղեմ: Ծաղկազարդի օրը եկեղեցիները զարդարվում են ուռենու ճյուղերով: Այսօր Լիլին ևս ծառի ճյուղերից զարդարեց իր զատկածառը, որի վրա բացի ժապավեններից և ադի- բուդիից ամրացրեց ցորենի հասկ, ճուտիկներ, նուռ և ձվիկներ: Հաճելի դիտում բոլորիդ:

Ձոն մայրիկի

Արդեն չորրորդ շաբաթն է ինչ անցել ենք հեռավար- առցանց ուսուցման: Շաբաթը սկսեցինք մայրիկատոնով: Լիլին ցանկացավ այս անգամ ոչ թե ուղղակի բացիկ կամ ծաղիկ նվիրել, այլ դիմահարդարել, դե´ իսկ ես կողմ էի այդ գաղափարին: Դե´ինչ կարող եք հետևել:

Պլաստիլինե երևակայություն

Այսօր որոշեցինք Լիլիի հետ տան պայմաններում պատրաստել պլաստիլին: Պլաստիլինով զբաղմունքը շատ արդյունավետ է, և զարգացնում է մոտորիկան: Պլաստիլինի միջոցով երեխաները էլ ավելի լավ են գույները ճանաչում, ինչպես նաև կարողանում են իրենց երևակայությամբ պատրաստել տարբեր առարկաներ: