Օրը՝ 13․02․2020թ․

Ժամանակահատվածը՝ Նախաճաշ, ճաշ, ետճաշիկ

Վայրը՝ Արևելյան դպրոց, 5-6 տարեկանների դասարան-լաբորատորիա

Մասնակիցները՝ Արևելյան դպրոցի 5-6 տարեկաններ

Պատասխանատուներ՝  Լիլյա Զախարյան, Սոնա Սարգսյան (կամավոր)

Խորհրդատու՝ Նառա Նիկողոսյան

Նպատակը`

• խոհանոցային գործունեության կազմակերպման ստուգատես

Խնդիրները`

• ինքնուրույնության դրսևորում
• ինքնակազմակերպման կարողությունների և հմտությունների ներկայացում
• Այնքան -որքան մաթեմատիկական հասկացությունների կիրառման կարողությունների և հմտությունների դրսևորում
• Ջանի Ռոդարի ստեղծագործական երևակայության՝ « Խաղեր սեղանի շուրջը» մեթոդի կիրառում

Նկարագրությունը՝

Նախաճաշ․ Օրվա 4 հերթապահները լվացվում են, հագնում են իրենց խոհանոցային գոգնոցները, իջնում խոհանոց՝ խմբասենյակ  բերելով  նախաճաշի համար անհրաժեշտ մթերքը։ Նախապես լվացված միրգը կտրատում են, դասավորում ափսեների մեջ։Սովորողների մի խումբը սպասքադրում է սեղանները, մյուսը`կտրատում պանիրը, հացը դնում հացամանների մեջ։

Ճաշի  և ետճաշիկի կազմակերպման ժամանակ սովորողը մոտենում է և վերցնում նախապես ճաշով լցված ափսեն և նստում սեղանի շուրջըմ ։

Օրվա ցանկացած ժամի սննդի կազմակերպման վերջում սովորողները լվացարանին են մոտեցնում իրենց ափսեները, բաժակները, մաքրում սեղանները և հատակը։

Արդյունքում կունենանք  տեսաֆիլմ Արևելյան դպրոցի 5-6 տարեկանների սննդի կազմակերպման մասին։

Սննդի կազմակերպման ժամերը՝

• նախաճաշ-միրգ 09։30-10։00
• երկրորդ նախաճաշ 10։30-11։00
• ճաշ  12։30-13։00
• ետճաշիկ 15։00-15։30