Տյառնընդառաջը Հայոց եկեղեցու տոներից է։ Հայոց եկեղեցին, Տյառնընդառաջը տոնում է փետրվարի 13-ին՝ Քրիստոսի աստվածահայտնությունից (հունվարի 6) քառասուն օր հետո։ Տյառնընդառաջ նշանակում է «ելնել Տիրոջն ընդառաջ», տարածված է նաև Տերընդեզ, Տըրընդեզ, Տըրընտես, որոնք ծագել են «Տերն ընդ ձեզ» անվանումից։
Օր՝ փետրվարի 14
Վայր՝ Արևելյան դպրոց-պարտեզի բակ
Մասնակիցներ՝ Արևելյան դպրոց-պարտեզի 2-4 և 5-6 տարեկաններ, դասավանդողներ, սովորողներ, ծնողներ, հյուրեր։
Պատասխանատուներ՝ Նառա Նիկողոսյան, Մարինե Ոսկանյան, Հասմիկ Հարությունյան, Ալինա Մարզումանյան, Լիլիա Զախարյան, Էլմիրա Մարգարյան։
Ժամը ՝ 11։00-12։00
Ծրագրում՝
1․ Խնկի ծառ
Խնկի ծառը ծաղկել է,
Համոն տակը քնել է,
Խնկի ծառ, խնկի ծառ,
Խնկի ծառը Աստծո գառ:
Մեր դռանը խնկի ծառ,
Նախշուն բլբուլ վրեն թառ,
Խնկի ծառ, խնկի ծառ,
Խնկի ծառը Աստծո գառ:
2․ Ծառ ծաղկեցավ
Սուրբ Կարապետա օրհնութենով, օրհնութենով
Ծառս ի ծաղկեցավ, ծառս ի ծաղկեցավ,
Ծառ ծաղկեցավ, ճյուղ բազմեցավ՝
Կանաչ ու կարմիր:
Սուրբ Գևորգի օրհնութենով, օրհնութենով
Ծառս ի ծաղկեցավ, ծառս ի ծաղկեցավ,
Ծառ ծաղկեցավ, ճյուղ բազմեցավ՝
Կանաչ ու կարմիր:
Սուրբ Սարգիսի օրհնութենով, օրհնութենով
Ծառս ի ծաղկեցավ, ծառս ի ծաղկեցավ,
Ծառ ծաղկեցավ, ճյուղ բազմեցավ՝
Կանաչ ու կարմիր:
Սուրբ Թադևոսի օրհնութենով, օրհնութենով
Ծառս ի ծաղկեցավ, ծառս ի ծաղկեցավ,
Ծառ ծաղկեցավ, ճյուղ բազմեցավ՝
Կանաչ ու կարմիր:
Սուրբ Հովհաննեսի օրհնութենով, օրհնութենով
Ծառս ի ծաղկեցավ, ծառս ի ծաղկեցավ,
Ծառ ծաղկեցավ, ճյուղ բազմեցավ՝
Կանաչ ու կարմիր:
Սուրբ Հակոբի օրհնութենով, օրհնութենով
Ծառս ի ծաղկեցավ, ծառս ի ծաղկեցավ,
Ծառ ծաղկեցավ, ճյուղ բազմեցավ՝
Կանաչ ու կարմիր:
3․Միասնական ընթերցում՝ խաղ֊ասիկ «Կլորիկ ու թմբլիկ եմ»
Կլորիկ ու թմբլիկ եմ,
Պստլիկ ու ճստլիկ եմ,
Քիթս պուճուր–պուճուրիկ է,
Աչուկներս սևուլիկ են,
Կա՞ ինձ նման սիրունիկը:
Չկա, չկա, չկա:
4․ Այլի հո՜
Եկանք, եկանք, այլի հո~
Ինչու եկաք, այլի հո~
Աղջկա տեսիլ, այլի հո~
Աղջիկ չունենք, այլի հո~
Տեսել ենք, տեսել, այլի հո~
Որտեղ եք տեսել, այլի հո~
Ձեր այգու մեջ, այլի հո~
Ինչ էր անում, այլի հո~
Թել էր մանում, այլի հո~
Ինչ կաչ գլխին, այլի հո~
Կապույտ լաչակ, այլի հո~
Ինչ կար մեջքին, այլի հո~
Արծաթ գոտի, այլի հո~
Ինչ կար ոտին, այլի հո~
Կարմիր մաշիկ, այլի հո~
Բա ոնց եկաք, այլի հո~
Պռատ գառով, այլի հո~
Պոչատ հավով, այլի հո~
Տատիս տատի ծակված թավով, այլի հոոոո~…..
5․ Տիկնի պսակ
Պսակ-պսակ, տիկնի պսակ
Փեսան եկավ լիքը քսակ.—
Տիրնա՜-նինե՜,
Տիրնա՜-նինե՜,
Զուռնի ձենը գեղով մին է։
Բոյը չինար, մեջքին քամար,
Աչքերը ծով, ունքը կամար,
Տիրնա՜-նինե՜,
Տիրնա՜-նինե՜,
էս մեր փեսան շատ անգին է։
6․Ծիսական փակ շրջանով պարեր, պարերգեր, խաղեր
- «Օր պար, ճոր պար»
- «Թամզարա»
- «Բուլուլ»
- Ազգային խաղ «Աղջիկ փախցնոցի»
Վերջում ծիսական հյուրասիրություն․․․
Սոնա Սարգսյան 