Օրը՝ 07.01.2021
Անցկացման վայրը՝ 5 տարեկանների ընտանեկան լաբորատորիա
Մասնակիցները՝
Արևմտյան դպրոցի 5 տարեկաններ, ընտանիքի անդամներ
Նպատակը՝ դիտարկումներ կատարելու, նյութերի, մարմինների փոխազդեցությունները նկատելու, դրանց պատճառահետևանքային կապը տեսնելու կարողությունների ձևավորում, բնագիտական փորձ կատարելու քայլաշարի,կանոնների կարողությունների ձևավորում:
Ընթացքը՝
Սովորողը նախապատրաստում է իր բնագիտական անկյունը փորձերի համար անհրաժեշտ նյութերով:
Փորձ 1.
Անհրաժեշտ նյութեր`
- Ափսե
- 1 թեյի գդալ /5մգ/ աղ
- 1 թեյի գդալ /5մգ/ աղացած պղպեղ
- Գդալ
- Փուչիկ
- բրդյա հագուստ /սվիտեր/
Նկարագրությունը՝
- Ափսեի վրա լցրու աղն ու պղպեղը, ապա խառնիր դրանք:
- Փչիր փուչիկը:
- Փչած փուչիկը լավ շփիր բրդյա սվիտերին:
- Մոտեցրու փուչիկն աղի ու պղպեղի խառնուրդին: Պղպեղն առանձնանում է աղից ու կպչում փուչիկին:
Փորձ 2.
Անհրաժեշտ նյութեր
- 1 հատ կիտրոն
- 3 ճաշի գդալ քացախ
- 1,5 ճաշի գդալ ջուր
- 1 թեյի գդալ սոդա
- փուչիկ
- լիմոնադի դատարկ շիշ
Նկարագրությունը՝
- Շշի մեջ լցնում ենք սոդան և ջուրը:
- Առանձին բաժակում կիտրոնի հյութը խառնում ենք քացախի հետ և դա լցնում շշի մեջ
- Արագ փուչիկը հագցնում ենք շշի վրա: Տեղի է ունենում բուռն ռեակցիա, և փուչիկը փչվում է:
Փորձ 3.
Անհրաժեշտ նյութեր
- Անձեռոցիկ
- Ֆլոմաստեր
- Բաժակով ջուր
Նկարագրությունը՝
- Անձեռոցիկի վրա մի քանի գույնով իրար կողք կողքի կետիկներ անել
- Անձեռոցիկը ընկղմել ջրի մեջ մինչև նկարած կետիկները, թողնել մի քանի րոպե:
- Կառաջանա գեղեցիկ ծիածան:
Կառուցողական խաղեր
Սովորողները ներկայացնում են իրենց կառուցողական խաղերը` լեգոները նաև այլ խաղեր, պատրաստում են տարբեր առարկաներ, կերպարներ, պատմում իրենց պատրաստած հերոսների մասին։
Ընթացք և ամփոփում
Սովորողները տանը կկատարեն առաջարկվող բնագիտական փորձերը կամ ծնողների հետ համացանցում կփնտրեն, կգտնեն համապատասխան փորձեր, կկատարեն և պատրաստի նյութը՝ պահպանելով՝ սկիզբը (անհրաժեշտ բաղադրիչների ներկայացում), ընթացքը (քայլերի նկարագրություն), ամփոփումը (ի՞նչ եղավ և ինչու՞), տեղադրեն YouTube-յան իրենց էջում և հղումը կուղարկեն դասվարին:
Սոնա Սարգսյան 