Օրը՝ 14.01.2021

Ժամը՝  11։00֊12։00

Վայր՝ Արևմտյան դպրոցի 5 տարեկանների խմբասենյակ

Մասնակիցներ՝ Արևմտյան դպրոց-պարտեզի  5 տարեկանների «Լուսատտիկ» ջոկատ

Պատասխանատուներ՝ Մարգարիտ Թամազյան, Սոնա Սարգսյան

Խորհրդատու՝ Սեդա Թևանյան

Նպատակը՝ Ազգային մշակույթի յուրացում, փոխանցում, տարածում

Հիմնական ուղղությունները՝

• ընկուզախաղեր
• ազգային, ծիսական խաղեր

Նկարագրությունը՝

Ազգային ծիսական խաղեր — խաղերը՝ Մարինե Մկրտչյանի բլոգից

Ծուղրուղու

Խումբը շրջանաձև պպզում է, իսկ մեկը` մի թաշկինակը ձեռքին, կանգնում է շրջանի մեջտեղը: Վերջինս կոչվում է շուն, իսկ մյուսները` աքաղաղներ: Աքաղաղները այս ու այն կողմից կանգնում, «ծուղրուղու» են կանչում և իսկույն պպզում: Շունն աշխատում է ձեռքի թաշկինակով խփել աքաղաղին կանգնած ժամանակ: Եթե հաջողվեց, ինքը կդառնա աքաղաղ, իսկ աքաղաղը` շուն

Նանի-Նանի

Տարբերակ 1

Խաղում են երկուսով: Խաղացողներից մեկը ձեռքերի մատները մի փոքր իրարից

հեռացրած, ձեռքերի մատների ծայրերը պահում են իրար դիմաց և հպում իրար` պատկերելով թոնրի ձև: Մյուսը, ցուցամատը դնելով դիմացի խաղընկերոջ ճկույթների միացման տեղին, ասում է.

• Նանի, նանի, կրակ տուր:
• Ելի վերի թաղը (թարեքը, թառը):

Այսպես կրկնվում է` բարձրանալով մինչև ցուցամատ: Հասնելով ցուցամատին (թոնրի շրթին), ասում է.

• Նանի, նանի, որ կաթը դնեմ թոնիրը` տաքանա, հո շուն չկա՞:
• Չկա, չկա:

Խաղացողը ձեռքը` իբրև կաթ, իջեցնում է ՙթոնիրը՚: Թոնիրը ցուցադրող երեխան արագ փակում է «թոնիրը»` ասելով.

• Հաֆ, հաֆ, հաֆ…

Ընկուզախաղեր — խաղերը՝ Մարինե Մկրտչյանի բլոգից

• Ընկույզը մատների շրջանաձև շարժումով պտտել: Կարելի է
  կազմակերպել մրցույթ՝ ում ընկույզն է երկար պտտվում: Եթե սաները
  դժվարանում են այն կատարել մատներով, կարող են ընկույզը պտտել՝
  երկու ձեռքերի ափերի մեջ առնելով այն ու ափերն իրար հակառակ
  ուղղությամբ շարժելով:
• Սեղանին կամ գետնին իրար զուգահեռ երկու շարքով շարվում են ընկույզներ: Խաղացողը, մի շարքի ընկույզները միջնամատի և բութ մատի միջոցով կտտացնելով, պետք է նշանառությամբ շարքից դուրս հանի մյուս շարքի ընկույզները:

Խաղերի արդյունքները կներկայացնենք տեսանյութերի, ռադիոնյութերի, աուդիոպատումների միջոցով և կհրապարակվեն դասարանական բլոգում, ենթակայքում։