Օրը՝ 01․04․2021
Վայրը՝ Արևմտյան դպրոցի 5֊6 տարեկանների դասարան֊ լաբորատորիա
Մասնակիցներ՝  5֊6 տարեկաններ
Պատասխանատուներ՝ Մարգարիտ Թամազյան, Սոնա Սարգսյան
Նպատակը՝ Ծանոթացում զատկական ծիսական խոհանոցին, զատկական ուտեստների պատրաստում-ներկայացում:

Խնդիրները՝

• ներկայացնել ուտեստի պատրաստման համար անհրաժեշտ մթերքները
• ինքնուրույնության, ինքնասպասարկման դրսևորում
• հաշվարկ, չափումներ, համեմատություններ կատարելու կարողությունների դրսևորում

Ընթացքը.
Սովորողները նախապատրաստում են խոհանոց-լաբորատորիան զատկական ուտեստներ պատրաստելու համար: Նախապես ընտրում են, թե զատկական ո՞ր կերակրատեսակն են պատրաստելու, ի՞նչ բաղադրիչներ են օգտագործելու, յուրաքանչյուրից որքա՞ն է հարկավոր: Ընթացքում պատմում են, թե ի՞նչ գիտեն Զատիկ տոնի մասին, ի՞նչ ուտեսներ են դրվում զատկական սեղանին և այլն: Պատրաստման ընթացքն ուղեկցվում է զատկական երգերով, զատկական ասիկներով:

Զատկական կերակուրներ

• Չամչով փլավ. անհրաժեշտ բաղադրիչները՝ բրինձ, յուղ կամ կարագ, չամիչ, չրեղեն, լավաշ.
• Թանապուր. անհրաժեշտ բաղադրիչները՝ մածուն կամ թան, ձավար, ալյուր, ձու, կանաչեղեն՝ համեմ, բազուկի տերևներ.

Զատկական ասիկներ

• Տի˜զ- տի˜զ, Ակլատիզ,
  Մազդ բիզ-բիզ, Ակլատիզ,
  Պասը գնաց, Զատիկն եկավ,
  Այծն էլ խոտը կերել է:
• Զատկեզատի՜կ է, նավակատի˜կ է, չամչե հատի˜կ է:
• Կարմիր ձու տուր, կարմիր օր տամ։

Զատկական երգեր

• Գնացեք, տեսեք
• Զարկ բոլոճիկ
• Կարկաչա
• Օր պար, ճոր պար
• Խնկի ծառը ծաղկել է

Արդյունքները կամփոփվեն դասարանական բլոգում: