Համագործակցային մարզական նախագծի շրջանակներում միասին մրցեցին Արևմտյան և Հյուսիսային դպրոցի ճամբարականները, որոնց մի մասը էստաֆետային խաղեր իրականացրին, մյուսները՝ ֆուտբոլ: Համագործակցային նախագծերի ընթացքում միշտ հաղթում է ընկերությունը՝ ոչ ոքի հաշվով:

5-րդ ջոկատի մարմնակրթության դասաժամը իրականացրեցինք Մայր դպրոցի բասկետբոլի դահլիճում, որտեղ մեզ դիմավորեց բասկետբոլի մարզիչ Արինա Թումասյանը : Սկզբից ծանոթացրեց, թե ինչպես է ստեղծվել բասկետբոլը որպես մարզաձև, իսկ հետո ցույց տվեց վարման և փոխանցման ճիշտ կանոնները:

Քոլեջի 2-րդ կուրսի ուսանողները այս անգամ իրենց ՏՏ հմտությոններով՝ Scratch ծրագրի իմացությամբ կիսվեցին Արևմտյան դպրոցի 2-րդ ջոկատի հետ:

Սովորող-սովորեցնող նախագծի շրջանակում 4-5-րդ դասարանի երկարացված օրվա ճամբարականները իրենց ծրագրային հմտությունները փոխանցեցին իրենց կրտսեր ընկերներին։ 4-5-րդ դասարանի ճամբարականները մանրամասնորեն բացատրեցին Quizziz ծրագիրը, իսկ 2-րդ դասարանի ճամբարականներից մի քանիսն էլ տեղում ստեղծեցին իրենց խաղը։

Հունվարի 17, երկուշաբթի 13.35-14.00 Հանգստի ժամ 14.00-14.30 Ընդմիջում 14․30-15.00 Քայլք դեպի Քոլեջ-պարտեզ 15․00-16․00 Այց ջերմոց լաբորատորիա 16.00-16.30 Զբոսանք Մայր դպրոցի բակում 16.30-17.00 Քայլք դեպի երթուղայիններ

Ճամփորդության վայր՝  Գեղարքունիքի մարզ, Ծաղկունք գյուղ Ճանապարհը՝ 76,8 կմ, 1ժ. 27 րոպե Ճամփորդության պատասխանատուներ՝ Սոնա Սարգսյան, Շողիկ Սահակյան Օգնական՝ Աչեր Բաստաջյան Մարզիչ՝  Մադլենա Թերզյան, Նարեկ Կարապետյան

2-րդ ջոկատի ճամբարականների և մարզիչ Մադլենա Թերզյանի հետ միասին այսօր ճամփորդեցինք Օղակաձև զբոսայգու նորաբաց սքեյթ պարկ: Ձմեռային մարզական խաղերի ճամփորդական մեկնարկը տրվեց հենց այնտեղից: Ճամբարականների ուրախությանը չափ չկար. մի քանիսը իրենց սքեյթերով իջնում էին թմբերից, մյուս խումբը՝ ինքնագլոր և անվաչմուշկներով էին սահում, իսկ մյուսներն՝ ֆուտբոլով էին զբաղված: Իսկ մնացած մասն դիտեք տեսանյութի և ֆոտոպատման տեսքով:

Գա՛լդ բարի, սպիտակ ձյուն: Վերջապես տեղաց ճամբարականների այդքան սպասված առաջին ձյունը՝ ուրախություն, հրճվանք և խինդ:

Այս անգամ 5-րդ ջոկատի մարմնակրթության դասաժամը իրականացրեցինք Մայր դպրոցի մարմնամարզության սրահում, որտեղ ճամբարականները ցույց տվեցին իրենց մարզական հմտությունները: