Ձմեռային ճամբարի մեկնարկը տրվեց։ Այսօր 2-րդ ջոկատի ճամբարականները տարբերվեցին իրենց մարզական առօրյայով։ Մարզական ստուգատեսին ընդառաջ Բախշյան այգում նախավարժանք անելուց հետո քայլքով գնացին դեպի Մայր դպրոց՝ հեծանիվ վարելու։ Հրայր Հովհաննիսյանը ճամբարականներին նախ ծանոթացրեց հեծանիվ վարելու մի շարք կանոններին և այնուհետև նոր սկսեցին վարել։

Արևմուտքի 4-5-րդ դասարաններում իսկական իրարանցում է: Ամանորյա գեղեցիկ տոնախմբությանը հաջորդեց դիմակահանդեսը: Սովորողները, դասավանդողները տոնական արդուզարդով, տարեդարձի ուրախությամբ, ամանորյա երգ ու պարով ճանապարհեցին հին տարին։ Նոր՝ 2022 թ․ դիմավորում ենք բարձր տրամադրությամբ՝ ցանկանալով աշխարհին խաղաղություն և բարեկեցություն: Նկարաշարը՝ ստորև

Սեբաստացիների ճամբարային առօրյան միշտ հագեցած է և հետաքրքիր: Այսօր էլ Անուշ Դավթյանի հետ միասին իրականացրեցինք հայելու ձևավորման, ինչպես նաև ծաղիկների տեղափոխման աշխատանքներ:

Այս անգամ «Ուսումնական ագարակ» այցը եղավ էլ ավելի հետաքրքիր, բացի այն, որ պետք է խնամեինք ձիերին և ձիավարեինք, ունեինք նաև հաճելի անակնկալ։ «Ուսումնական ագարակում» էին Հանրային հեռուստաընկերության աշխատակիցները, որոնք Տիար Բլեյանի հետ ունեցան փոքրիկ, բայց բավականին հետաքրքիր զրույց։

Այսօր տեղի ունեցավ Արևմտյան դպրոցի մանկավարժական խորհրդով հերթական հավաքը, որի ընթացքում քննարկվեց՝ «Ուսումնական ձմեռ», հունվարյան ճամբարի նախագծերը, 4-5-րդ դասարանների առաջին ուսումնական շրջանի ամփոփումները, ինչպես նաև  աճի բնութագրերի լրացումները, որին էլ հաջորդեց Արևմուտքի ամանորյա տոնակատարությունը։