Օրը՝ 14.05.2021թ
Ծեսն իրականացնել բացօթյա:

Համբարձման ծեսն իրականցվում է Սուրբ Զատիկից 40 օր անց: Այս տարի այն նշվելու ենք մայիսի 13-ին:

Մայիսի 14-ին Արևմտյան դպրոցի 5-6 տարեկանները Համբարձման ծիսական ստուգատեսային նախագծերով կճամփորդեն Աշտարակի «Ջրաղաց»:

Մասնակիցներ՝ Արևմտյան դպրոցի 5-6 տարեկաններ

Պատասխանատուներ՝ Մարգարիտ Թամազյան, Սոնա Սարգսյան

Համագործակցություն՝ երաժշտության ուսուցիչ Սեդա Թևանյանի հետ

Անհրաժեշտ նյութեր՝ Անհատական ճամփորդական ուսապարկ՝ լի անհրաժեշտ պարագաներով:

Նպատակը՝

• Համբարձում ազգային ծեսի իրականացում, ներկայացում, ծիսական-երաժշտական, ճամփորդական ստուգատեսի անցկացում, դիտարկման արդյունքների գրանցում:

Խնդիրները՝

• Ճամփորդական կարողությունների զարգացում, ներկայացում .
• Խաղային-երաժշտական կարողությունների զարգացում, ներկայացում.
• Խմբով աշխատելու- ճամփորդելու կարողությունների զարգացում, ներկայացում.
• Իրար լսելու, լրացնելու, շարունակելու մշակույթի ձևավորում:

Ընթացքը՝

Ծեսին նախապատրաստվելիս՝

• սովորել Համբարձման ծիսական, ծեսին համապատասխան երգեր`

 Վիճակի երգ,Հե՛յ, իմ նազան՛ իմ նազան,Ա՜յ, արևը, արևը և պարերգեր, պարեր: 

• սովորել պատրաստել Վիճակի տիկնիկ  
• սովորել պսակ հյուսելու տարբերակներ
• որոշել գործողությունների հաջորդականությունը, կազմել նախնական սցենարը

Համբարձման նյութեր և տեսանյութեր՝

Համբարձումը նախակրթարանում
Համբարձման երգերի փաթեթ

Ճամփորդող սեբաստացի կամ ճամփորդությանը նախապատրաստվելիս՝

Ընտանեկան դպրոցներում սովորողները նույնպես սկսում են նախապատրաստվել ճամփորդությանը: Իրականացնում են հետևյալ նախագծերը՝

• Իմ ճամփորդական ուապարկը
• Ճամփորդական բրդուճներ

Սովորողը կարող է ընտրել: Ընտանեկան դպրոցում պատրաստում են տեսանյութեր, որոնց ընթացքում սովորողը պատմում-ներկայացնում է, թե ինչ է անհրաժեշտ ունենալ ուսապարկում ճամփորդության մեկնելիս: Որպես առանձին տեսանյութ կամ շարունակություն՝կարող են պատմել-ներկայացնել, թե ինչպես են պաատրաստում իրենց բրդուճները….

Ճամփորդությունն իրականացվող քայլաշարը՝

• Քայլք /Աշտարակ գյուղ, կամրջից քայլքով շարժվել դեպի մոտակա բնակելի տներ/
• Միասնական նախաճաշ
• Ծեսի իրականացում, որը կարող է երկու մասից բաղկացած լինել՝

ծիսական մաս /ծաղիկների հավաքում, ծաղկեպսակների հյուսում, վիճակի խաղ…./, երաժշտական-խաղային մաս.

Սովորողներն ուսապարկում պետք է ունենան

• արևապաշտպան գլխարկ
• ջուր
• խոնավ և չոր անձեռոցիկ
• ալկոգել
• աղբի տոպրակ, ձեռնոց

Պատրաստի ֆիլմերը դասվարը կտեղադրի դասարանական բլոգում: